– الزمان: قبل الجامعة باسبوعين!
– النوع: ذكر.
– النفسية: اعلى من نفسية تيمو وهو نازل التحرير يقنع الشباب إنها تروّح.
– الحالة: لسه جايب BB جديد ومستلف من اصحابه عشان يشغل السيرفيس، واخد بتاع 500 جنيه من الحاج عشان يجيب هدوم (أصل ال Summer Sale لسه نازل)، Already صرف بتاع 100 جنيه في أدوية وصابون حب الشباب.
بينزل الGym بقاله بتاع شهر بس لسه عنده ترهلات في مناطق محرجة، و بيحاول يقنع الحاجة انها تسلفه عشان يجيب (Original One Million Perfume) بدل ال Copies اللى الواد هتّك عرضها على مدار عمره..
ده حتي هيجيب ماكنة حلاقة جديدة عشان الكام شعرة اللى بيطلعولوا في وشه و فرحان بيهم دول!
– السبب: بيحاول يبقى Attractive قبل ما الجامعة تبدأ، ناوى يخربها “خمرٌ ونساء”!
– Expectation : “هتعرف على مزز كتير من اول يوم، هيعجبوا اكيد ب Smell الOne Million ، و ب لبس ال Sale ده وهيتحدفوا عليا.. انا داخل ال GUC فأكيد مش هيكون فيه أى واحدة وحشة والدنيا هتبقى ولع ولع خالص!”
– Reality : الواد لقى ان أحلى واحدة ف ال Tutorial هو صاحبه الانتيم بتاع المدرسة القديمة، نسى انه داخل Engineering او Pharmacy و بيضرب نفسه ميت جزمة ع الفلوس اللى صرفها قبل ما يدخل الجامعة.
– الوضع دلوقتى: الولد ياعينى بيصحى قبل معاد الباص بخمس دقايق وبينزل بالشبشب و ال Training Suit..
شوية الشعر المعفن اللى في وشه طولوا وملوا وشه كله، شعره بقى منكوش وماشى ف الجامعة عليه علامات الحسرة – شبه معالم شادية ف فيلم ( نحن لا نزرع الشوك)!
اه نسيت اقولكوا انه ماشى في اجراءات الارتباط بصاحبه الانتيم، ماهو بعد ال Quizzes و ال Assignments و ال (دعك) ده متتوقعش من الواد غير كدة، دى اقل حاجة، وربنا يستر اعراضنا ان شاء الله!
– النتيجة: الواد جاله احباط وبقى يسقط اكتر ما بياكل، حياته الاجتماعية اتدمرت وبقى بيفكر ف الانتحار كل ما بالصدفة يشوف Tutorial Management، او هو ف الغالب بينتحر فعلا لما بيشوف Tutorial Applied Arts.
الغلبان بقى يزوغ من ال Tutorials و يروح يقعد ف ال (U)، قال يعنى هى دى الحتة (الطراوة).. عامة المقولة اللى بقت بت”Inspire” حياته بقت الحتة اللى قالها اللمبى ف فيلم اللى بالى بالك “ده انت تروح تتجوز ابن عمك احسن!”
ب) – النوع: أنثى.
– النفسية: طول عمرها عالية ما شاء الله!
– الحالة: عاملة دايت من قبل ما تتولد ب 7 شهور ونص وابتدت مؤخرا تنزل ال (Gym) الصبح تجرى عشان تخس حاجة بسيطة كدة، بتاع 20 25 كيلو مش أكتر..
بتفكر تغير ال BB وتجيب ال Porsche Design الجديد، عشان آخر مرة وهى بتكلم نورا صاحبتها وبتقولها وحشتينى يا Babe الموبايل هنج- الفكرة مش تافهة زى ما انتوا متخيلين، اصلها مكانتش شافت نورا من بتاع نص ساعة.
سيبكوا من نورا، المهم انها شالت كل الNutella وال White Chocolate من التلاجة وحططهم فى الأودة (الغرفة يعنى) عشان (تلهف) من غير ما حد يشوفها.
لسة واخدة الفين جنيه من مامى عشان تجيب هدوم، اصل الدولاب لازم يكون (متكربس) زى الميكروباص كدة عشان لما نورا تيجي وتشوفوا!
والبنوتة بدأت تعمل Dip Dye وتنزل ال Coiffeur كل يوم، و مجهزة تلاتة اربعة Profile Pictures ف الساحل ب ال Pose اياه عشان تنزل بيهم أول ما الجامعة تبدأ.
– السبب: هى مقتنعة انها Sexy اساسا، بس بتحاول تزود يعنى قبل ما تقابل فارس احلامها في الجامعة.
– Expectation: “هقابله اول يوم وهيحبنى من اول نظرة، هينقلى كل ال Sheets ويديهانى وهو بيقوللى اتفضلى يا Babe !”
– Reality: العيال كلها مش عاجبينها.. “اوف ده شعره خشن، اوف ده ريحته تقرف، اوف ده دمه تقيل، جسمه روفيع اوى، لأ ده تخين اوى ومفشكل”، وكلام كتير من ده..
أصلها كانت فاكرة انها لما تدخل Engineering او حتى Pharmacy هتلاقى كلهم ولاد Cute هيترموا عليها وتنقى منهم بقى، فاكرة نفسها TA Digital Logic Gates ولا ايه!
– الوضع دلوقتى: بتصحى بدرى تحط ال Light Make Up برضه وتبص ف المراية وتقول “ايه القمر ده”..
وللأسف لقت الواد (الشنف) برضه اللى ينقلها ال Sheets، والبنت شغاله دحّ مش طبيعى، بقت بتاكل الReferences اكتر من الNutella!
– النتيجة: هتطلع Ranking في اخر السيمستر بعد ما كانت السبب في إحباط وسقوط الشباب الغلبان..
اه صحيح نسيت اقولكوا انها قطعت مع نورا بعد ما نورا جابت Dress من باريس وقعدت يوم كامل توصفلها فيه و ف الاخر قالتلها “عقبالك”.. هى حصلت عقبالك! إتجننت نورا دى شكلها ولا ايه.
و زى ما انت شايف كدة الدنيا عندنا عسلية خالص.. انت فاكر يعنى هنقعد نفِر كل حاجة في الجامعة والبلد؟ ياراجل كبر مخك!
إلا هو يعنى ايه “خلطة بيتا” اصلا؟
إبعتوا Commentatko أو الافكار اللى تحبّوا نكتبلكوا عنها على الهاشتاج ده : ”#خلطة_بيتا“!
لقراءة عمود الأسبوع الماضي: الطالب عندنا بيتعلم.. عليه!
يمكنك إرسال إلينا مقال رأي مكون من 3-5 فقرات أو عامود عن طريق comment[at]gucinsider.com أو الرد على مقال مكتوب خلال نفس العنوان.
تنويه: الجريدة غير مسئولة عن دقة ما هو منشور في صفحات الرأي ومشاركات القراء، وهي لا تعبر بالضرورة عن الموقف الرسمي للجريدة.
